Din
il-kitba dehret fuq Facebook : 29-01-2015
Riflessjoni
żgħira fuq ir-Riflessi ta' Charles Casha.
Għadu kif ġie f’idejja
l-ktieb Riflessi, il-ġabra ġdida ta’ poeżija ta’ Charles Casha, il-poeta u
kittieb prolifiku rqajjaq. Mal-ewwel daqqa t’għajn anki lejn il-werrej,
tattakkak mistoqsija mhux faċli, fuq kemm hu faċli li tikteb poeżija wara
s-sittin, mhux biss fis-sens arkitett jew 'ortografiku' tal-kelma. Minix ngħid li dawn
il-poeżiji kitibhom Charles issa. Uħud minnhom jidhru li ilhom li kitbuh huma.
Stampa li tfakkrek fix-xmara ta’ Herakulaitis li tpassi darba waħda biss. Iżda
b’diżubbidjenza kreattiva u tfitxija dejjiema minkejja l-impotenza biex
tirritorna lura lejn is-sors.
Ir-riflessjonijiet ta’ dan il-poeta grixti u
rqajjaq ma jmorrux ’il bogħod mill-istess xtajta tax-xmara riġenerattiva
tal-ħajja, li bilfors saħħritu għal warajha la l-ħoss tal-flawt jinħass
daqshekk fil-vrus tiegħu. F’din il-ġabra forsi jinħass aktar liberu, fejn
il-poeta jimxi wara l-ħsus interni li ma tridx wisq sintonizzazzjoni jew xi
tagħmir speċjali miġjub minn pjaneta oħra biex tiggosta jew tapprezza
t-tonalità bnedmija tagħhom. Naf li Charles inqabad bejn iż-żewġ influssi ta’
ħsejjes, u naf li t-tnejn mhux faċli li ssodd widnejk għal magħhom, iżda bħal
O. Friġġieri, Mario Azzopardi, A. Mizzi, D.Massa, T. Tarcisio Zarb (ma jammettix), Maria GG u diversi oħrajn
mill-ġenerazzjoni li poetikament inqabdet bil-qalziet ta’ taħt imniżżel fuq dak
kollu li nafu fuq poeżija, bir-riżultat li ħafna minn dawn kellhom bilfors
joħloqu l-pulsi u t-tensjonijiet rivoluzzjonarji u mistiċi tagħhom. Forsi
Charles kien wieħed milli ppreferu li jibqgħu tikka oħra fit-transitorju
kreattiv, sakemm jissetiljaw l-affarijiet li donnu nduna fil-fatt li qatt ma
jissetiljaw. Dan kollu jinħass u anki jinxtamm u jintiegħem f’dil-ġabra li anki
mill-werrej tgħidlek għaliex dan il-poeta daqshekk grixti u rqajjaq. Abbli
minħabba li l-passi fermi tiegħu dejjem kienu mużikali.
Walid Nabhan
Kittieb
Nota Personali mingħand
Walid:
Prosit tal-vjaġġ poetiku Charles. Riflessjonijiet tassew kbar u
niffieda.
