L-awtur u Xandar Gorg Peresso dwar Charles Casha
Charles
Casha hu meqjus mhux biss prolifiku imma
wkoll eklettiku fis-sens ġenwin u mifrux tal-kelma. Għalliem, librar, midħla
sewwa tal-Għaqdiet letterarji u tax-xandiriet letterarji, hu kiteb kemm stejjer
għat-tfal kif ukoll għall-kbar. Kotba ta’ tagħrif u tagħlim daqskemm ta’ divertiment. Stejjer
realistici daqskemm mimlija fantasija li jmorru lil hemm mir-realtà ta’ kuljum.
Kittieb ta’ proża kif ukoll ta’ poeżija. L-esperjenzi tiegħu ta’ tfulitu u ta’
għalliem tawh mhux biss ispirazzjoni imma wkoll stil li hu tipiku tiegħu.
L-għażla tal-kelma hi dejjem sabiħa. Il-binja tas-sentenza timxi mal-istil.
In-namra ta’ rakkontatur qieghda fih, sinonomu ma’ ismu.
No comments:
Post a Comment